சிங்கப்பூர் குடியரச

星架坡，又叫星加坡（加讀架）、星架波同新加坡（加讀架），正式名新加坡共和國（英文：Republic of Singapore，馬來話：Republik Singapura，泰米爾話：சிங்கப்பூர் குடியரச，Cingkappūr Kudiyarasu）係東南亞嘅一城島國。講廣東話嘅華僑，鍾意叫佢星架坡，而舊文書亦都有寫做新加坡。唐人亦都叫佢做石叻或者叻埠，來自馬來話Selat，即係海峽咁解。
地理上星架坡島同埋側邊幾個島組成，位於馬來半島南端，馬六甲海峽南口，南面有星加坡海峽同印尼隔海相望，北同馬來西亞相隔柔佛海峽，有長堤相連，所以又有星洲之稱。
1819年英國東印度公司嘅萊佛士同柔佛蘇丹簽訂條約，獲批准喺星架坡建立交易站同殖民地。由於特殊嘅地理位置，星架坡喺第二次世界大戰之前一直係大英帝國喺東南亞最重要嘅據點，因為咁慢慢發展成為繁榮嘅轉口港。1965年獨立後，喺總理李光耀嘅領導之下，新加坡喺一代人嘅時間內從一個第三世界國家轉變為一個有錢嘅已發展國家，人均國民生產總值居世界前茅。新加坡以廉潔嘅政府、清潔嘅都市、高效率同完善嘅法制聞名於世，但同時又以政府嚴格嘅管制著稱。